PICHA YA LEO; CAMMELION ABADILI DINI NA KUWA MUISLAM, UHURU WA KUABUDU.

Jose Cammelion wa Uganda abadili dini na kuwa Muislam majuma mawili yaliyopita.

Hapa akijumuika na waumini wengine katika swala.

RAIS WA MALAWI AVUNJA BARAZA LA MAWAZIRI.

Mutharika afuta kazi mawaziri

Rais wa Malawi, Bingu wa Mutharika, amelifuta kazi baraza lake lote la mawaziri baada ya majuma kadha ya maandamano ya ghasia, ambapo watu karibu 20 wamekufa.

Bwana Mutharika sasa ameshika wizara zote 42; na hakutoa sababu ya kufanya hivo.
Mataifa kadha ya magharibi, yamesimamisha msaada kwa Malawi baada ya waandamanaji kuuwawa mwezi uliopita, ambao wakilalamika juu ya kupanda kwa gharama za maisha na kama walivosema, serikali mbovu

WIZI WA MAZAO KWA KUTUMIA MIZANI NA MAWE BANDIA WASHAMIRI VIJIJI VYA NACHINGWEA.

Ununuzi wa mbaazi  unaendelea lakini kukiwa na tatizo la mizani kupima uzito pungufu kwa vituo vingi vya kununua mazao, kinachofanyika ni kutumia mawe ya mizani yanayoiba uzito yaani kuonesha uzito pungufu ingawa mzigo uliowekwa kwenye mizani una kilo zaidi.

Kijana huyu alikutwa na wakaguzi wa Halmashauri akinunua mazao akiwa na mawe sita lakini mawili kati yake yanatumika kuiba uzito.

Kati ya mawe haya sita, mawili ya katikati yanaiba uzito kati ya kilo 3 hadi 4 kwa kila kilo 20 zinazopimwa.

Mzani unaotumika, wahusika wamekamatwa na hatua za kisheria zinaendelea.

SAMUEL ET'OO KUWA MCHEZAJI WA SOKA GHALI KULIKO WOTE DUNIANI.

Eto'o Kuwa Mchezaji Tajiri Kuliko Wote Duniani
Mshambuliaji hatari wa timu ya Inter Milan ya Italia, Samuel Eto'o	Mshambuliaji Samuel Eto'o wa timu ya taifa ya Cameroon na timu ya Inter Milan ya Italia atakuwa mchezaji soka anayelipwa pesa nyingi kuliko wachezaji wote duniani akiwafunika Ronaldo na Messi baada ya kukubali kusajiliwa na timu ya Anzhi Makhachkala ya Urusi ambapo atakuwa akilipwa zaidi ya Th. Milioni 600 kila wiki.
Mshambuliaji hatari wa timu ya Inter Milan ya Italia, Samuel Eto'o anatarajiwa kumwaga wino kusajiliwa na timu ya Anzhi Makhachkala ya Urusi. Usajili huo utamfanya Eto'o apokee mshiko wa nguvu wa kiasi cha paundi milioni 20 kwa mwaka ambapo kila wiki atakuwa akilipwa paundi laki tatu ambazo ni zaidi ya Tsh milioni 600. Eto'o ambaye sasa ana umri wa miaka 30, anatarajiwa kuingia mkataba wa miaka mitatu na klabu hiyo tajiri ya Urusi inayomilikiwa na bilionea wa biashara ya mafuta, Suleiman Kerimov. Usajili huo uko kwenye hatua za mwisho ambapo Inter Milan inaitaka klabu ya Anzhi itoe kitita cha paundi milioni 30 ili iweze kumnunua mchezaji huyo. Eto'o atakuwa mchezaji tajiri kuliko wote duniani akiwapiku Cristiano Ronaldo wa Real Madrid anayelipwa paundi milioni 12 kwa mwaka na Lionel Messi wa Barcelona anayelipwa paundi milioni 10.5. Klabu ya Anzhi katika kujiimarisha zaidi imemsajili pia beki mkongwe wa Brazil, Roberto Carlos ambaye sasa ana umri wa miaka 38.

LIVERPOOL YAIFUNGA 2-0 ARSENAL LICHA YA KUWA UGENINI, YAONGOZA MSIMAMO WA PREMIER UINGEREZA

Liverpool recorded their first away win over Arsenal since 2000 to heap more misery on the Gunners - who saw Emmanuel Frimpong sent off and lost injured centre-back Laurent Koscielny in a 2-0 defeat at Emirates Stadium.

Samir Nasri impressed for the Gunners, despite being expected to join Manchester City, but Arsenal's luck was out after Aaron Ramsey's own goal and a last-minute strike from substitute Luis Suarez handed the visitors victory.

 Liverpool manager Kenny Dalglish celebrates as his side grab victory

MATCH FACTS

Arsenal: Szczesny, Sagna, Vermaelen, Koscielny (Miquel 15), Jenkinson, Nasri, Walcott (Bendtner 80), Ramsey, Arshavin (Lansbury 71), Frimpong, Van Persie.
Subs not used: Fabianski, Oxlade-Chamberlain, Chamakh, Miyaichi.
Yellow cards: Frimpong, Lansbury
Red card: Frimpong
Liverpool: Reina, Jose Enrique, Agger, Carragher, Kelly, Henderson, Downing, Lucas, Adam, Carroll (Suarez 71), Kuyt (Meireles 71).
Subs not used: Doni, Skrtel, Flanagan, Maxi, Spearing.
Yellow cards: Lucas, Carroll
Referee: Martin Atkinson
Attendance: ?

Arsene Wenger - who now has half his first-choice team out because of suspension or injury - must regroup his squad for next week's crucial Champions League play-off second leg in Udinese and the small matter of a trip to Manchester United.
Nasri - whose £22million move to City is, according to reports on French TV, said to have broken down - did not applaud the crowd as the teams came out of the tunnel, and was then jeered by some sections of the Emirates Stadium faithful when his name was announced.
Liverpool showed early intent, as Dirk Kuyt - who netted a late penalty deep into stoppage time to earn a 1-1 draw here last season - drilled a low, angled drive goalwards.
New Arsenal captain Robin van Persie looked lively as he nicked the ball out on the right channel and floated over a cross which Martin Kelly stabbed behind for a corner.
On eight minutes, Frimpong was cautioned for squaring up to Jordan Henderson as the Liverpool midfielder tried to take a quick throw-in.

Seeing red: Emmanuel Frimpong (right) lashes out at Lucas to earn a second yellow card

Koscielny added to Wenger's defensive problems when he pulled up with what looked like a lower back injury on 14 minutes and had to be replaced by youngster Ignasi Miquel, the Spaniard making his Premier League debut.
Liverpool almost took the lead on 20 minutes when Andy Carroll's towering header at the far post brought a brilliant save from Wojciech Szczesny.

Gloomy afternoon: Arsene Wenger has that sinking feeling as Arsenal slump to defeat

The visitors were in full flight now, with Henderson sending a tame header straight at the Arsenal keeper following another quick break down the left.
Charlie Adam then tried an audacious chip from the halfway line, which had Szczesny backpedalling, but flew over the bar.

Not gone yet: Samir Nasri made a surprise appearance in the Arsenal line-up

Arsenal finally mounted a meaningful attack after 30 minutes when Frimpong's low drive from 20 yards was pushed wide by Jose Reina.
Nasri then showed what Arsenal would be missing when he picked up the ball in his own half, dashed forwards and turned Liverpool inside out before unleashing a 25-yard strike which curled past the post..
The visitors broke quickly into the Gunners box on 55 minutes, with Carroll laying the ball back to Kelly - and his snapshot struck the outside of the post.

Arsenal eventually started to up the pressure, but lacked a decisive pass in the final third.
Andrey Arshavin turned Kelly and fed van Persie at the near post, but his goalbound flick was kicked behind by Reina.
With 20 minute left, Arsenal were reduced to 10 men when Frimpong was shown a second yellow card when he left his foot up in a 50/50 with Lucas, right in front of the referee.

Clash of the day: Liverpool's Danish defender Daniel Agger goes flying under a challenge from Frimpong

Liverpool snatched a fortunate lead on 78 minutes when as Suarez darted into the six-yard box, Miquel's clearance cannoned off Ramsey's chest and back over the keeper into the net.
A miserable afternoon for the Gunners was compounded in the final minute when Suarez tapped in from close range following a quick counter-attack.

Chanzo: http://www.dailymail.co.uk/sport/football/article-2028181/Arsenal-0-Liverpool-2-More-woe-Wenger-Dalglishs-men-strike-late-grab-victory.html#ixzz1VZyD0xxf

BOTI MV POMBOO YA MAMLAKA YA BANDARI MTWARA IKIWA IMEZAMA KARIBU NA UFUKWE WA FERI MTWARA NA KUTELEKEZWA

MV Pomboo ikiwa imezama na kutelekezwa sehemu yenye kina kifupi karibu na Bandari ya Mtwara.

MSICHANA AFIA NYUMBA YA KULALA WAGENI IITWAYO UPENDO MJINI MTWARA.

Mtwara Mnarani, kielelezo muhimu kuwa umeingia Manispaa ya Mtwara-Mikindani

Msichana mmoja aliyefahamika kwa jina moja la Rose na inasemekana ni mwanachuo wa chuo cha Utumishi wa umma hapa mjini Mtwara amekutwa amekufa asubuhi ya jana katika Gesti iitwayo Upendo maeneo ya Ligula Kiyangu mjini Mtwara. Kijana mmoja ambaye ni dereva wa taxi maeneo ya Bima aitwaye Bakari ndiye aliyetoa taarifa ya tukio hilo kituo kikuu cha polisi Mtwara akieleza kuwa alikuwa na msichana huyo usiku wote na kugundua kuwa huenda kafa nyakati za asubuhi ya jana.
Wazazi wa marehemu ambao wanaishi jijini Dar es salaam tayari wamewasili mchana huu kwa ndege na kwa mujibu wa redio moja inayorusha matangazo ya masafa ya fm hapa wazazi hao wameeleza kuwa binti yao alikuwa na matatizo ya homa ya kifafa ambacho inasadikiwa huenda ikawa chanzo cha kifo hicho ingawa uchunguzi unaendelea. Dereva taxi Bakari bado anashikiliwa na Polisi. Mungu ailaze roho ya marehemu mahala pema peponi, Amina.

YANGA YAFUNGWA 2-0 NA SIMBA KATIKA KOMBE LA NGAO YA HISANI.

ARSENAL YAITUNGUA UDINESE BAO 1-0

Arsenal 1 Udinese 0: Walcott lifts gloom as wobbly Gunners hold Euro advantage Theo Walcott's early strike gives Arsenal a slender lead in their Champions League play-off first leg. While Arsene Wenger will be pleased with the result, his side were shaky and nervously go into next Wednesday's second leg in Udinese.

BAHARI YA KUSINI TANZANIA, KIVUKONI MTWARA KWENYE MNADA WA SAMAKI.

Mdau wa blogu yetu leo yupo Mtwara, pwani ya Mtwara karibu na Bandari.

Mitumbwi ya wavuvi na abiria kuvukia Msanga Mkuu.

Eneo la mnada wa samaki, bei ni za kawaida tu.

Mnada ukiendelea.

Ngisi, Chaza na Tasi tayari wameshakaangwa kwa kuliwa, Mtwara raha.

AFISA MTENDAJI MKUU EWURA AWEKWA KITI MOTO NA MAWAZIRI JUU YA BEI YA MAFUTA.

MKURUGENZI Mkuu wa Mamlaka ya Udhibiti wa Huduma za Nishati na Maji (EWURA), Haruna Masebu,amehenyeshwa kwa kuhojiwa kwa undani na Baraza la Mawaziri kuhusu kuyumbisha bei ya mafuta.

Baraza hilo lilitaka kujua kwa nini mamlaka hiyo imekuwa ikiyumbisha nchi na wananchi kuhusu bei za mafuta.

Kwa zaidi ya saa moja, Masebu na wasaidizi wake waliwekwa kiti moto kuhusu bei zilizotangazwa na Ewura mwishoni mwa wiki, ambazo zimepanda kwa asilimia sita kutoka zile zilizotangazwa awali.

Habari za kuaminika kutoka kwenye mkutano wa Baraza la Mawaziri uliofanyika jana kwenye Ukumbi wa Wizara ya Kilimo, Chakula na Ushirika, mjini Dodoma zinasema kuwa waziri mmoja baada ya mwingine walimhoji Masebu na wasaidizi wake kuhusu mwenendo usioridhisha wa bei za mafuta nchini.

Mkurugenzi Mtendaji EWURA Ndg. Haruna Masebu.

Habari zinasema kuwa Masebu ambaye aliingia kwenye ukumbi huo akionesha kujiamini, alianza kupoteza mwelekeo kwa kadri maswali yalivyokuwa yakimiminika kutoka kwa mawaziri.

Hatimaye siyo yeye mwenyewe ama yoyote kati ya wasaidizi wake ambaye alikuwa na majibu ya kutosheleza ama hata ya kuwashawishi mawaziri kuhusu hatua hizo za Ewura na kwa kadri kikao hicho kilivyoendelea, Masebu na wenzake walionekana kukosa hoja.

Habari zinasema kuwa Masebu na wasaidizi wake walitakiwa kujielezea mbele ya Baraza la Mawaziri ili kuliwezesha Baraza hilo, chini ya Uenyekiti wa Rais Jakaya Kikwete, kujiridhisha na mwenendo mzima wa bei mafuta.

Baraza hilo lilitaka ufafanuzi kuhusu bei za petroli, mafuta ya taa na dizeli; nishati ambazo ukosefu wake nusura uiingize nchi katika zahama kubwa wiki iliyopita.

Moja ya maswali ya awali kutoka kwa Baraza la Mawaziri ilikuwa ni kwa nini Masebu na Ewura walitangaza kupanda tena kwa bei za mafuta siku chache baada ya kuzishusha kwa asilimia 9.17 kwa petroli, asilimia 8.31 kwa dizeli na asilimia 8.70 kwa bei ya mafuta ya taa.

Hatua hiyo ya Ewura kupunguza bei ya mafuta ilikuwa inatekeleza uamuzi na maagizo ya Serikali yaliyotangazwa na Waziri wa Fedha, Mustafa Mkullo Juni 22, mwaka huu, bungeni wakati alipowasilisha Bajeti ya Serikali.

Katika bajeti hiyo, Mkullo alisema kuwa Serikali iliamua kuondoa kodi na tozo kadhaa kwenye bei ya mafuta yanayoingizwa nchini kwa nia ya kupunguza bei ya bidhaa hizo ili kumpungumzia makali ya maisha mwananchi.

Hatua hiyo ya Mkullo, pamoja na ile ya Ewura kupunguza bei za mafuta ziliungwa mkono na Bunge na wananchi kwa kiwango kikubwa ambao walikiri kuwa hatua hiyo ilithibitisha jinsi gani Serikali yao inavyowajali.

Hatua ya Ewura kupunguza bei ya mafuta ilipingwa na kampuni karibu zote kubwa za kuingiza mafuta nchini ambazo zilianzisha mgomo kupinga hatua hiyo hasa BP, Engen, Oilcom na Camel Oil.

Baada ya siku moja ya mgomo huo, kampuni zingine nchini zilianza tena kuuza mafuta, lakini kampuni hizo nne zilikataa kufungua vituo vyao kuuza mafuta.

Agosti 9, mwaka huu, Ewura ilitoa amri ya Kimahakama (Compliance Order), kwa kampuni hizo nne kuanza mara moja kutoa huduma katika maghala yao na katika vituo vya rejareja vikiwemo vile vilivyoko chini ya miliki zao.

Katika amri hiyo, kampuni hizo zilitakiwa kuacha mara moja kusababisha upungufu wa makusudi wa mafuta ya petroli katika soko la Tanzania na kujieleza katika saa 24 kwa nini wasichukuliwe hatua za kisheria kwa kukiuka matakwa ya Sheria ya Mafuta na Utaratibu wa Ewura.

Siku iliyofuata, kampuni tatu zilianza kutoa huduma lakini BP (T) Ltd iliendelea kukaidi amri ya Ewura.

NCCR YASEMA ITAMUUNGA MKONO MGOMBEA MWENYE NGUVU IGUNGA.

Naibu katibu Mkuu wa Chama Cha CUF, Julius Mtatiro, akizungumza na waandishi wa habari, kuhusu chama hicho kuwa na mgombea katika uchaguzi mdogo wa bunge Jimbo la Igunga, mkoani Tabora jana.Kulia ni Naibu Katibu wa Jumuiya ya vijana Abubakari Kitogo. Mazungumzo hayo yalifanyika jijini Dar es Salaam.Picha na Said Powa Waandishi wetu KINYANG'IRO cha uchaguzi mdogo wa Jimbo la Igunga kimezidi kushika kasi baada ya jumla ya wanachama 26 wa vyama tofauti vya siasa kuomba ridhaa ya kuchaguliwa kuviwakilisha kuwania kiti hicho kilichoachwa wazi na Rostam Aziz. Idadi hiyo ya wanasiasa wanaowania kiti hicho inazidi kuongeza joto la kisiasa kuelekea uchaguzi huo ambao tayari vyama vya CCM na Chadema kila kimoja kimeanza kukishutumu kingine kutokana na kile kinachodaiwa ni kuwapo kwa mchezo mchafu kabla ya kampeni. Kwa mujibu wa orodha rasmi ya wagombea wa vyama waliomba ridhaa hiyo, hadi jana walikuwa wamefikia 26 huku mchakato wa kuchukua fomu ndani ya vyama ukiwa katika hatua za mwisho. Dazeni moja wajitokeza Chadema Mkurugenzi wa Sera na Utafiti wa Chadema, Waitara Mwikabwe alisema wanachama waliojitokeza kuomba ridhaa ya chama hicho kuwania nafasi hiyo hadi jana walikuwa 12. Alisema mchakato huo unaendelea mpaka saa 10:00 jioni ya Agosti 16, mwaka huu na baada ya hapo kamati teule itaendelea na kazi ya kuteua jina litakaloingia katika kinyang’anyiro hicho. Mwikabwe aliwataja wanachama waliochukua fomu kuwa ni pamoja na Kajua Sebastian, Marco Amos, Kahema John, Buzinza Magego, Dickson Samson, Anwar Luhumbi, Erasto Tumbo, Joseph Mwandu, Juma Katigula, Frank Matto, Joseph Mapalala na Juma Chaha. 13 wajitokeza kuwania ridhaa ya CCM Kwa upande wake, Katibu wa CCM wa Wilaya ya Igunda, Neema Adam alisema katika chama hicho waliojitokeza kuwania nafasi hiyo ni 13 na mchakato huo wa kuchukua fomu ulihitimishwa saa 10:00 jioni ya Agosti 13, mwaka huu. Adam aliwataja wanachama hao waliojitokeza kuwania nafasi hiyo kuwa ni Amina Ally Said, Ngassa Nicolaus, Shams Feruzi, Adam Brown, Shell David, Dk Peter Daniel Kafumu, Makoba Mchenya, Joseph Ally Omary, Seif Hamis Gulamaly, Hamis Shaabani, Nathan Mboje, Hamadi Hemed Safari na Paul Ndohele. Kwa utaratibu, mchakato wa kumpata mgombea wa CCM huanzia kwenye ngazi ya kata ambako wagombea hupigiwa kura na wanachama, kisha matokeo hupelekwa Kamati ya Siasa ya Wilaya ambayo hutoa alama pasipo kukata jina kisha hupeleka mapendekezo Kamati ya Siasa ya Mkoa ambayo nayo hupitia na kutoa mapendekezo kwenda Kamati Kuu (CC) chini ya Mwenyekiti Taifa kwa uamuzi wa mwisho. CUF wamteua Mahona Chama cha CUF chenyewe kimefikia hatua ya mwisho ya  mchakato baada ya kumtangaza Leopard Mahona (30), kuwa mgombea atakayewania ubunge jimbo hilo. Akizungumza jijini Dares Salaam jana, Naibu Katibu Mkuu wa CUF, Julius Mtatiro alisema lengo la chama hicho ni kuchukua jimbo hilo lililoachwa wazi na Rostam. Julai 14 mwaka huu, Rostam alitangaza kujivua nyadhifa mbili ya ubunge na ujumbe wa Halmashauri Kuu ya CCM (NEC), kutokana na kile alichodai kuwa ni siasa uchwara ndani ya chama chake. Mtatiro alisema mgombea huyo ambaye ni mwenyeji wa Igunga alichuana na Rostam katika Uchaguzi Mkuu uliopita na kushika nafasi ya pili huku akidai kwamba ni kutokana na mshindani wake kutumia fedha nyingi. “Anakubalika ndani ya jimbo hilo na anajua uongozi na ana kiu kubwa ya kuendelea kuwatetea wana Igunga ndiyo maana alipata zaidi ya kura 11,000 katika uchaguzi uliopita,” alisema Mtatiro. Mtatiro alisema mgombea huyo ana stashahada ya elimu ya juu ya biashara na utawala na ana uzoefu mkubwa wa utendaji baada ya kufanya kazi katika mashirika mbalimbali ya kimataifa nchini. Alisema:: CUF inaingia Igunga na “Operesheni chagua Mahona.” Alisema wananchi wa Igunga wanapaswa kuwa makini katika uchaguzi huo kwa kuwa ndiyo utakaotoa dira ya maisha yao katika kipindi kirefu kijacho. Mtatiro alisema kitendo cha Msajili wa Vyama vya Siasa, John Tendwa kudai kuwa CUF kimezindua kampeni za chinichini na kuipa jina la ‘Liwalo na liwe’ ni kukinyong'onyeza na kusisitiza hakijawahi kufanya uzinduzi wowote wa kampeni ya uchaguzi wa Igunga tangu jimbo hilo liwe wazi. “Kulizungumza tu linaweza kuonekana dogo, lakini ni jambo kubwa sana katika chama na kauli hiyo inatuvurugia heshima yetu kwa jamii,” alisema. Kuhusu gharama za uchaguzi Naibu Mkurugenzi wa Uchaguzi wa CUF, Shaweji Mketo alisema kwa mujibu wa Sheria ya Uchaguzi gharama za uchaguzi katika Jimbo la Igunda zinapaswa kutozidi Sh80milioni na siyo 40 kama ilivyoelezwa na Msajili. Alisema ameshangazwa na kauli ya msajili kwamba gharama za uchaguzi wa jimbo hilo hazitakiwi kuzidi ya Sh40milioni, kwa chama chochote. Hata hivyo, hakuwa tayari kuzungumzia gharama walizoziandaa kwa ajili ya uchaguzi huo akisema watatumia kiasi kidogo tu cha fedha. Sau yajitosa kuweka mgombea Chama cha Sauti ya Umma (Sau) nacho kimeingia katika mbio za kuwania ubunge katika uchaguzi huo mdogo na tayari kimetamba kutwaa jimbo hilo baada ya kufanikiwa kuwateka baadhi ya viongozi wa vyama vingine na wanachama wake. Meneja wa kampeni wa chama hicho Melckezedek Leseka alisema mpaka jana, walikuwa wamefanikiwa kuwahamishia viongozi wa vyama vya Chausta na UDP pamoja na wanachama wao wote katika chama chao. Leseka alisema Sau kimefanikiwa kufungua matawi kwenye vijiji vyote na kwamba hawatishwi na vyama vingine vilivyoingia kwenye mbio hizo vya CUF, Chadema na CCM ambavyo alisema vimejaa ubabaishaji kwa kuhubiri udini, ukabila na ahadi nyingi za uongo. Katibu wa Sau Wilaya ya Igunga, Shaabani Kirita alisema mpaka jana wanachama watano walikuwa wamejitokeza kuchukua fomu kwa ajili ya kuomba kuteuliwa kugombea nafasi hiyo ya Ubunge. Aliwataja wanachama hao kuwa ni John Majid Magumu, Mwalimu Leonard Agustino, Sospeter Kabunguru, Sophia Ally na Joseph Mohamed Said. Alisema Kama Kuu (CC) ya chama hicho itakutana Agosti 22, mwaka huu kuteua mgombea ambaye chama kitampitisha kubeba bendera yake. NCCR kuunga mkono mwenye nguvu Chama cha NCCR-Mageuzi, kimetangaza kuwa hakitasimamisha mgombea katika uchaguzi huo mdogo wa Igunga na badala yake kimesema kitamuunga mkono mgombea wa chama chochote cha upinzani. Akizungumza na waandishi wa habari Dar es Salaam jana, Katibu Mkuu wa chama hicho, Samwel Ruhuza alisema ili wapinzani waweze kushinda ni lazima wakubali kushirikiana na kukubaliana kusimamisha mgombea mmoja tu katika jimbo hilo. “NCCR tunaamini katika ushirikiano na tumekuwa tukifanya jambo hilo karibu kila uchaguzi…, nia yetu ni kuhakikisha  CCM haishindi,” alisema Ruhuza. Sau, Chadema warushiana vijembe Wakati NCCR kikitaka umoja wa vyama, Chadema na Sau vimeingia katika malumbano baada ya kushambuliana kwa maneno huku viongozi wake wakirushiana vijembe. Mwenyekiti wa Sau, Paul Kyara aliwataka wananchi wa Jimbo la Igunga wasipoteze muda wao kukichagua Chadema kwenye uchaguzi ujao kutokana na kile alichodai kuwa kimejaa ubabe na ni kama kampuni inayolenga kuwanufaisha watu wachache. Kyara ambaye aliwahi kuwa Mweka Hazina wa Chadema alidai kwamba Chadema ni chama cha kidikteta ambacho hakithamini viongozi wake na ndiyo maana kimekuwa kikiwafukuza na kuwanyang'anya uanachama, bila kujali maslahi ya wananchi waliowachagua. Alikuwa akirejea hatua ya Chadema ya hivi karibuni kuwafukuza madiwani watano wa Arusha na kudai kwamba wapo mbioni kumfukuza Mbunge wa Maswa Magharibi, John Shibuda. Hata hivyo, Mwikabe alijibu tuhuma hizo akisema chama chake ni makini hakiwezi kubishana na chama cha mfukoni kama Sau ambacho alidai kwamba kipo kwa ajili ya kuganga njaa. "Jamani hiki chama ni cha kutafutia mlo hakina jipya kinataka umaarufu kupitia Chadema, waambieni sisi tupo kukabiliana na baba yao CCM wanayemtumikia siyo wao ambao tuna uhakika kwamba wapo kwa ajili ya kumsaidia bwana mkubwa wao CCM, njaa zitawaua," alisema Mwikabe. Habari hii imeandikwa na Elizabeth Ernest, Fidelis Butahe, Dar Mustapha  Kapalata na John Dotto, Igunga Chanzo; Gazeti la Mwananchi.

EWURA YASALIMU AMRI KWA WAFANYABIASHARA.

EWURA Yasalimu Amri, Yapandisha Bei ya Mafuta
Godwin Samwel, Meneja Biashara Ewura alipokuwa akitoa taarifa mbele ya vyombo vya habari jana	Monday, August 15, 2011 3:52 PMBAADA ya kumalizika kwa mgomo ambao umetingisha jiji na mikoa tofauti hapa nchini kwa ajili ya kupunguzwa kwa bei,jana Mamlaka ya Udhibiti wa Huduma za Nishati na Maji (Ewura) imeongeza tena bei ya mafuta inayoanzwa kutumika leo
Akizungumza na waandishi wa habari jijini Dar es Salaam jana, Meneja Biashara Ewura,Bw. Godwin Samwel alisema wamepandisha bei ya mafuta kutokana na kushuka kwa thamani ya shilingi ya Tanzania katika soko la dunia Bei hizo zimebainishwa kuwa petroli imepanda na kufikia Sh. 100.34 , dizeli Sh. 120.47 na mafuta ya taa kwa Sh 100.87 hizo ni bei kwa lita moja Amesema kuwa bei hizo mpya zinaonyesha bei ya nishati hiyo katika soko la dunia kupanda kwa wastani wa asilimia 5.42, huku thamani ya shilingi ya Tanzania ikiwa imeshuka kwa Sh 47.12 sawa na asilimia 2.96 kwa dola moja ya Marekani. Mbali na kutoa bei hiyo mpya pia aliwaagiza wauzaji wa mafuta nchini kuuza bei elekezi na isizidi bei hiyo kwani wanaweza kuuza bidhaa za mafuta kwa bei ya ushindani alimradi bei hizo zisivuke kikomo. Wakati huohuo mkoani Dodoma Wilayani Mpwapwa imeripotiwa kuwa siku ya tatu leo hakuna mafuta katika vituo vitoavyo huduma hiyo kwa madai ya kutokuwepo kwa mafuta hayo.

Chanzo: www.nifahamishe.com

HOSNI MUBARAK AENDELEA NA KESI MISRI

Asubuhi hii aliyekuwa rais wa Misri, Hosni Mubarak anatarajiwa kufika mahakamani kwa awamu ya pili ya kusikilizwa kwa kesi ya kihistoria dhidi yake.

Uhusiano kati ya jeshi na raia utategemea jinsi kesi dhidi ya Mubarak itaendeshwa

Rais huyo aliyeng'olewa madarakani ameshtakiwa pamoja na aliyekuwa waziri wa mambo ya ndani na maafisa wengine sita wa ngazi ya juu.
Watu hao wanatuhumiwa kuhusika na mauaji ya waandamanaji wakati wa vuguvugu la mapinduzi mwezi januari mwaka huu.
Ingawa raia wa Misri wanauhakika kwamba rais huyo yuko katika hali nzuri ya afya kufunguliwa mashtaka wana wasiwasi ikiwa mawakili wa serikali wataendesha kesi hiyo kwa kasi inayohitajika.
Mapema mwezi huu Bw. Mubarak alifikishwa mahakamani kwa mara ya kwanza akiwa amebebwa kwenye machela.
Mawakili wake wanasisitiza kuwa mteja wao ni mgonjwa sana na kuna idadi kubwa ya raia wa nchi hiyo hawaamini ikiwa atafika mahakamani kujibu mashtaka dhidi yake.
Kwa raia wengi wa Misri Rais mubarak alikuwa sawa na mungu ambaye alitawala maisha yao kuwa muda wa miaka 30.

Hosni Mubarak katika kiti cha enzi.

Hosni Mubarak akiwa kizimbani katika kitanda cha wagonjwa.

Kwa kipindi chote hicho theluthi moja ya idadi yoye ya raia nchini humo hawajamjua kiongozi wowote ule.
Ahmed Shawky al Aqabawi mhadhiri wa somomo la sikologia katika chuo kikuu cha misri anasema watu wengi wanachuki naye na wamepania sana kuona amefungwa jela.
Wakuu wa jeshi ndio wanaotawala misri tangu Rais mubarak aondelewwe madarakani.
Hata hivyo kwa siku za hivi karibuni uhusiano kati ya raia na viongozi wa kijeshi umekuwa mbaya.
Wengi wanaamini kuwa utaratibu watakao chukua kuendesha kesi dhidi ya Hosni mubaraka ndio utakaoamua uhusiano kati ya wakuu wa jeshi na raia utakuwa Hkatika siku za usoni

CESC FABREGAS ATUA BARCELONA RASMI

Cesc Fabregas tayari ni mchezaji rasmi wa Barcelona baada ya kusaini mkataba wa miaka mitano na mabingwa hao wa Ulaya.

Cesc Fabregas

Nahodha huyo wa zamani wa Arsenal amefuzu uchunguzi wa afya yake aliofanyiwa mara mbili siku ya Jumatatu na atatambulishwa na klabu hiyo wakati wowote.
Arsenal itapokea kitita cha paundi milioni 30 na paundi milioni 5 nyingine zitatolewa kutegemeana na idadi ya mechi atakazocheza na vikombe itakavyoshinda Barcelona.
Siku ya Jumapili, Arsenal na Barca walithibitisha "kukubaliana kimsingi" juu ya kumuuza Fabregas.
"Tunaelewa hamu aliyonayo Cesc ya kurejea katika klabu ya nyumbani kwao na sasa ameafikiana na klabu ya Barcelona," alisema meneja wa Arsenal, Arsene Wenger.
"Tumekuwa tukifahamisha bayana hatukutaka Cesc aondoke na hali hiyo inasalia hivyo hivyo.
"Tunamshukuru Cesc kwa mchango wake katika klabu ya Arsenal na tunamuombea mafanikio huko aendako."
Barcelona imekuwa ikimuwinda Fabregas tangu msimu uliopita.

Cesc Fabregas

Taarifa za mpango wa kuuzwa kwa Fabregas zilithibitishwa wakati wa kipindi cha mapumziko kwenye mchezo wa awali wa kuwania Kombe la Hispania siku ya Jumapili, ambapo Barcelona ilitoka sare ya mabao 2-2 na Real Madrid.
Fabregas tayari ameshafanyia uchunguzi wa awali wa afya yake katika hospitali iitwayo Hospital de Barcelona.
Fabregas alifanya mazungumzo na wachezaji wenzake wa Arsenal kwa mara ya mwisho siku ya Ijumaa asubuhi na hakuwemo katika kikosi cha Wenger kilichocheza siku ya Jumamosi dhidi ya Newcastle katika mechi ya ufunguzi wa msimu ambapo timu hizo hazikufungana.
Hakuwemo katika ziara ya timu ya Arsenal barani Asia na pia hakucheza mechi nyingine za kujiandaa kwa msimu mpya wa ligi, zikiwemo mechi za Kombe la Emirates, kutokana na kusumbuliwa na maumivu ya msuli wa paja.

Fabregas

Mchezaji huyo wa kimataifa wa Hispania, ameshaichezea nchi yake mechi 58 na kwa klabu ya Arsenal amecheza mechi 303 wakati wa kipindi cha miaka minane akiwa kaskazini mwa jiji la London na amefunga mabao 57 katika mashindano yote aliyocheza.
Mwezi wa Oktoba mwaka 2003, alikuwa mchezaji mwenye umri mdogo kuichezea Arsenal katika kikosi cha kwanza, ambapo mechi yake ya kwanza ilikuwa dhidi ya Rotherham United kuwania kufuzu kwa Kombe la Carling wakati huo akiwa na umri wa miaka 16 na siku 177.
Pia alikuwa mchezaji mwenye umri mdogo wa klabu hiyo kufunga bao, alipofunga wakati Arsenal ilipilaza Wolves mabao 5-1 mwezi wa Desemba mwaka huo wa 2003. Fabregas alikuwa katika kikosi cha Arsenal kilichoilaza Manchester United kwa mikwaju ya penalti na kushinda Kombe la FA mwaka 2005, na kuwa kombe muhimu la pekee aliloshinda na Arsenal kwa muda wote akichezea klabu hiyo.
Aliteuliwa kuwa nahodha wa Arsenal mwezi wa Novemba mwaka 2008. Mshambuliaji Robin van Persie anatazamiwa kuchukua nafasi ya unahodha wa kudumu wa Arsenal, ingawa hatacheza mechi dhidi ya Udinese baada ya kufungiwa kutokana na kadi nyekundu aliyooneshwa msimu uliopita walipocheza na Barcelona katika moja ya mechi za Ubingwa wa Ulaya.
Alipobanwa kuhusiana na mustakabali wa Fabregas na Samir Nasri - BBC ikifahamu fika naye yupo njiani kuelekea Manchester City -kwenye mkutano na waandishi wa habari siku ya Ijumaa, Wenger alisema anatumai "hakuna yeyote atakayeihama" Arsenal

GERVINHO AZUA BALAA LIGI UINGEREZA.

Joey Barton kiungo wa Newcastle amekiri "alianguka kirahisi" wakati wa purukushani na Gervinho lakini akasisitiza mshambuliaji huyo wa Arsenal alistahili kutolewa nje kwa kadi nyekundu.

Joey Barton

Gervinho alitolewa katika mechi yake ya kwanza ya Ligi Kuu ya England akiichezea Arsenal kwa kumchapa kibao Barton, ambaye naye alioneshwa kadi ya njano kwa kumsukasuka Gervinho.
Baada ya kwenda sare ya 0-0, Barton aliandika katika mtandao wa tweeter: "Nilijiangusha kirahisi sana, hakuna ubishi kwa hilo. Lakini bado huwezi kuinua mikono yako. Mwamuzi alitenda haki, hakukosea."
"Iwapo unainua mikono yako na kumpiga mwenzio usoni, huna budi kutolewa nje. Watu walitaka nifanyeje, nisimame na kuanza kurusha ngumi?"
Meneja wa Arsenal, Arsene Wenger alisema wachezaji wote wawili walipaswa kupewa adhabu inayofanana.
Siielewi ile kadi nyekundu," alisema Wenger. "Nina hakika asilimia 100 mwamuzi hakuona kilichotokea.
"Nadhani alikuwa amegeuka upande mwengine wakati purukushani zikitokea. Iwapo aneona tukio lenyewe, angewatoa nje wachezaji wote wawili au asingemtoa yeyote."
Wachezaji hao walishikana baada ya Gervinho kuanguka chini eneo la sanduku la timu ya Newcastle na Barton akamfuata kwa hasira na kuanza kumkunja fulana ya Gervinho.

"Kwa nini Joey Barton alikwenda pale na kuanza kumkunja fulana yake na kumuinua?" aliongeza Wenger. "Ni kadi ya manjano kwa wote au kadi nyekundu kwa wote na kilichotokea hakikuwa kikubwa sana.
Kuhusu kukata rufaa? Nitaangalia tukio lile kwa makini kwanza, lakini nadhani ninashawishika kusema nitakata rufaa."
Meneja wa Newcastle Alan Pardew alimtetea Barton, ambaye yupo katika orodha ya wachezaji wanaohama katika klabu hiyo baada ya kuishutumu klabu na alipangwa mechi ya Jumamosi baada ya kumshawishi meneja wake kwamba hana nia ya kuhama tena.
"Gervinho alijiangusha, hakuna tatizo na hilo," alisema Pardew. "Jinsi alivyofanya Joey kumfuata ilikuwa ni kumtia adabu na kukatokea kutoelewana. Lakini baadae akamchapa kibao na huwezi kufanya hivyo."

PICHA YA LEO; JE UNAMKUMBUKA HUYU!? ANAITWA HIPPO AU KIBOKO. NASIKIA ETI ANAONGOZA KWA KUSHAMBULIA BINADAMU KULIKO WENZIE, SIJUI KWELI!?

Kiboko akiwa kwenye maji.

Kiboko akiwa Nchi kavu.

EWURA YAIFUNGIA KAMPUNI YA BP KWA UKAIDI WA KUACHA MGOMO WA KUUZA MAFUTA.

KILE kilichokuwa kikisubiriwa na wananchi wengi, hatimaye jana kilitimia kwa Mamlaka ya Udhibiti wa Huduma ya Maji na Nishati (Ewura) kusitisha leseni ya biashara ya kampuni ya mafuta ya BP kwa miezi mitatu.

Hatua hiyo ilitangazwa jana Dar es Salaam na Mkurugenzi Mkuu wa Ewura, Haruna Masebu, kutokana na kampuni hiyo kukaidi agizo la Serikali la kuitaka kuuza mafuta jamii ya petroli kuanzia juzi jioni.

Sambamba na hatua hiyo, kampuni zingine tatu za mafuta zimepewa onyo kali zisirudie tabia iendayo kinyume na sheria za nchi na kuziagiza ziuze mafuta kwa watu wote bila ubaguzi.

“Amri hii itafuatiliwa kwa karibu na ikibainika wamekiuka, hatua kali zaidi zitachukuliwa dhidi yao mara moja,” alisema Masebu na kuzitaja kampuni hizo kuwa ni Oilcom (T), Camel
Oil (T) na Engen Petroleum (T).

Hata hivyo, BP ambayo inaelezewa kuwa na ubia na Serikali, imepata unafuu kwamba itaendelea kuuza mafuta ya ndege ambayo Ewura haina mamlaka ya kusimamia bei zake.

Lakini pia itaruhusiwa kuuza mafuta yake yote ya petroli, dizeli na ya taa yaliyopo kwenye maghala yake kwa wafanyabiashara wengine wa jumla, kama wanataka kwa usimamizi wa
Ewura, ili kuzuia kutoharibika kwa mafuta hayo katika kipindi hicho cha miezi mitatu ambapo haitaruhusiwa kufanya biashara ya mafuta ya jumla.

“Hata hivyo, vituo vyote vya rejareja vyenye nembo ya BP vitaruhusiwa kuuza mafuta kwa kuyanunua kwa wafanyabiashara wengine wa jumla na si kwa BP,” alisema Masebu alipozungumza na waandishi wa habari.

Akifafanua kuhusu hatua hizo, Masebu alisema baada ya kutangaza bei mpya zilizoanza Agosti 3, kampuni zilianza mgomo baridi wa kuuza mafuta kutoka kwenye maghala yake.

“Hata hivyo mgomo huo haukufahamika sana kutokana na kutokea wakati kukiwa na siku za mapumziko ya muda mrefu kuanzia Agosti 6 hadi 8.

“Baada ya kugundua hilo, Bodi ya Wakurugenzi ya Ewura ilikaa Agosti 9 na kutoa agizo la kisheria kwa kampuni nne zilizoonekana kuwa vinara wa mgomo huo; BP, Oilcom, Camel Oil na Engen Petroleum,” alisema.

Kwa mujibu wa agizo hilo, kampuni hizo kuanza kuuza mafuta mara moja, kuacha mara moja vitendo vinavyozuia uuzwaji mafuta na kutoa maelezo kwa maandishi katika muda wa saa 24 kwa kuvunja Sheria ya Petroli ya Mwaka 2008 kifungu 24 (1).

“Baada ya agizo kutolewa, kesho yake kampuni zote zilianza kuuza mafuta kwenye maghala ambapo siku ya kwanza Agosti 10 ziliuzwa lita 8,535,700 kutoka kwenye maghala hayo.

“Hata hivyo, pamoja na kuuzwa kwa mafuta kwa wingi, bado BP ilionekana kukaidi amri halali ya Ewura kwa kuzingatia Sheria ya Petroli ya Mwaka 2008, kifungu 24 (1) kwa kutouza mafuta kwenye vituo vyake vyote,” alifafanua Mkurugenzi Mkuu wa Ewura.

Chimbuko Juni 22, Serikali kupitia Waziri wa Fedha wakati akihitimisha Hotuba ya Bajeti ya Serikali kwa mwaka 2011/12, ilitoa maagizo kwa Ewura kuchukua hatua za kupunguza bei za mafuta kwa maeneo mengi.

Maeneo yaliyozingatiwa yalikuwa ni ya ukokotoaji wa thamani ya shilingi kwa kuioanisha na dola ya Marekani na kuondoa au kupunguza wigo wa asilimia 7.5 ambayo kampuni ziliruhusiwa kuwekewa ili kufidia baadhi ya gharama; Mengine ni kupitia upya misingi ya ukokotoaji wa viwango vya tozo za taasisi za umma kwa lengo la kubaki na tozo stahili na kwa viwango stahili bila kuathiri majukumu ya udhibiti na usimamizi yanayofanywa na taasisi hizo, lakini pia kupunguza tozo za kampuni za mafuta, ikiwa ni pamoja na gharama za kibenki na upotevu wa mafuta yanayosafirishwa kwenye meli na gharama ya ukaguzi.

Julai 4, Ewura ilianza mchakato kwa kutoa matangazo kwenye vyombo vya habari kuhusu
kupunguza bei za mafuta.

Pia ikaandaa dokezo lililokuwa na vipengele kadhaa, ambavyo vitapunguzwa na kusambazwa kwa wadau wakiwamo wauzaji wa mafuta nchini.

Wadau walichangia dokezo hilo na kuwasilisha Ewura kwa maandishi na hatimaye mchakato wa utengenezaji wa kanuni mpya ambayo imepunguza bei za mafuta ulihitimishwa kwa kuitisha mkutano wa taftishi uliofanyika Julai 22, katika ukumbi wa Karimjee Wadau Mchakato wa kupata maoni ya wadau ulianza Julai 4 na kukamilika Julai 26 ambapo Masebu alisema kwa kawaida, mchakato huo ungechukua siku 81 lakini kutokana na unyeti wa suala hili, Mamlaka ililazimika kuufupisha hadi siku 23.

Wadau walioshirikishwa katika taftishi hiyo ni pamoja na kampuni za mafuta, Baraza la Watumiaji wa Huduma zinazodhibitiwa na EWURA (CCC), Baraza la Ushauri la Serikali, Taasisi za Umma kama vile TRA, TBS, WMA, TPDC, TPA, SUMATRA, na TIPER.

Maoni ya wadau yalipokewa na kuchambuliwa na timu ya wataalamu kutoka taasisi mbalimbali zikiwamo Wizara ya Nishati na Madini, Wizara ya Fedha na Uchumi, Shirika la Maendeleo ya Mafuta Tanzania (TPDC), Ofisi ya Mwanasheria Mkuu wa Serikali na Ewura na katika mfumo mzima wa kufanikisha utayarishaji wa kanuni hii mpya, wadau wote walifahamishwa katika mchakato huu kuwa bei mpya zitatolewa Agosti mosi

SEMINA YA MAPAMBANO YA KUZUIA RUSHWA KWA VIONGOZI WA VYAMA VYA MSINGI VYA USHIRIKA WA MAZAO(AMCOS) NACHINGWEA JANA.

Afisa wa TAKUKURU  Ndg. Zablon akiwasilisha mada juu ya kujenga uwezo wa kuzuia rushwa katika Vyama vya Msingi vya Ushirika kwa Wenyeviti na Makatibu wa vyama hivyo wilayani Nachingwea jana.

Baadhi ya wanasemina wakisikiliza kwa makini.

Wanasemina wakisikiliza, Semina hii iliandaliwa na Mkurugenzi wa Halmashauri ya Wilaya kupitia ofisi ya Afisa Ushirika.

WABUNGE WA DAR ES SALAAM WAMWAGA MBOGA, MEYA WA JIJI AMWAGA UGALI, KAZI KWELI!!!!!!

Raymond Kaminyoge SAKATA la Meya wa Jiji la Dar es Salaam, Dk Didas Massaburi na wabunge wa Mkoa wa Dar es Salaam, jana lilichukua sura mpya baada ya kuivunja bodi ya Shirika la Maendeleo na Uchumi Dar es Salaam (DDC) iliyokuwa chini ya uenyekiti wa Mbunge wa Temeke, Abbas Mtemvu. Dr. Didas Masaburi, Meya wa Jiji la Dar es salaam. Uamuzi huo wa Dk Masaburi ambaye ameingia kwenye mvutano na wabunge wa mkoa wake, ni utekelezaji wa ahadi yake ya kuvunja bodi hiyo kutokana na kile alichokiita ni kusafisha ufisadi uliotamalaki. Wakati wabunge hao wa Dares Salaam wakimpa siku  saba meya huyo ili awaombe radhi kutokana na kile walichodai ni kutukanwa na kwamba wanafikiri kwa makalio badala ya ubongo, jana Dk  Masaburi alifanya ziara ya kushtukiza na kuamua kuivunja bodi hiyo. Dk Masaburi katika ziara hiyo alikuwa akikagua vitega uchumi vya shirika hilo vilivyopo Kariakoo, Magomeni na Mwenge ambako aligundua ufisadi katika ukumbi wa DDC Kariakoo. Akizungumza, Dk Massaburi alisema katika mkataba wa ujenzi wa vibanda vya maduka 73 vinavyouzunguka Ukumbi wa DDC Kariakoo, unaonyesha  kila kibanda kinapangishwa kwa Sh300,000 kwa mwezi wakati wapangaji wamesema wanalipa hadi kufikia Sh 2.6 milioni kwa mwezi. Mh.Abbas Mtemvu, Mwenyekiti wa Bodi iliyovunjwa Shirika la Maendeleo la Jiji DDC. Alifafanua kwamba kati ya Sh 300,000 wanazolipa wapangaji hao,  asilimia 40 zinakwenda DDC  wakati  60 zinachukuliwa na Kampuni ya Nimeta Construction Ltd, waliojenga vibanda hivyo. “ Inaonyesha vibanda vya maduka haya wamepangisha watu kwa njia za ulanguzi, fedha nyingi zinaingia mifukoni mwa wajanja wachache wakati DDC wanaambulia asilimia 40 ya Sh 300,000 huu ni wizi wa mchana,” alisema Dk Masaburi. Alisema, “ kutokana na hali iliyopo nimeamua kuivunja bodi ya DDC kuanzia leo (jana) na nitaitangaza bodi mpya hivi karibuni.” Bodi hiyo kwa mujibu wa Meya ilikuwa ikiongozwa na Mwenyekiti wake, Mtemvu, huku wajumbe wakiwa ni Jerome Bwanausi, William Bomani, Rehema Mayunga, Wendo Mwapachu na Issac Tasinga. Dk Massaburi alimtaka Kaimu Meneja Mkuu wa DDC, Cyprian Mbuya kuripoti kwa Mkurugenzi wa jiji wakati huu inaposubiriwa kutangazwa kwa bodi mpya. Kwa mujibu wa Dk Masaburi, utaandaliwa utaratibu mpya wa upangishaji wa vibanda hivyo ili fedha zote ziweze kuwa mali ya DDC badala ya kuingia mifukoni mwa wajanja.Katika ziara hiyo, Meya aliongozana na Katibu wa Kata ya Magomeni ambaye pia ni diwani wa Kata ya Magomeni, Julian Bujugo. Uamuzi huo wa Dk Masaburi ambaye matamshi yake dhidi ya wabunge wa mkoa huo yamekwishafikishwa Kamati ya Haki, Maadili na Madaraka ya Bunge, itazidi kuongeza mvutano kati yake na wawakilishi hao. Chanzo; Gazeti la Mwananchi