WAFANYABIASHARA UGANDA WAFUNGA MADUKA KWA SIKU MBILI KUPINGA KUSHUKA THAMANI KWA FEDHA YA NCHI HIYO.

Wafanya biashara katika mji mkuu wa Uganda, Kampala wamefunga maduka yao kwa siku ya pili mfululizo kulalamikia kiwango cha sarafu ya nchi hiyo kinachoshuka kila kukicha pamoja na idadi kubwa ya wachuuzi wenye asili ya Kichina.

Uganda

Shilingi dhaifu kwa Dola

Wauza maduka wanadai kuwa sarafu dhaifu inapandisha bei za bidhaa kutoka nje.
Wakati huo huo wanasema hawawezi kushindana na wafanya biashara wa Kichina waliomimina bidhaa zao kwa wingi na kwa bei rahisi.
Mgomo wao wa siku mbili ni tukio la hivi sasa katika mfululizo wa maandamano ya kupinga kupanda kwa gharama za maisha nchini Uganda.
Polisi wa kuzuia fujo walikuwa mitaani kulinda doria katika mji wa Kampala, kuzuia uwezekano wa kuzuka ghasia.

Polisi wanalinda doria Kampala

Msemaji wa shirika la wafanyabiashara la jiji la Kampala, Issa Sekito amesema kua wamefunga maduka yao kuishinikiza serikali ishughulikie masaibu yao.
Bw.Sekito amesema kua shirika lake limeitaka serikali ushughikie biashara za Wachina ambao wamezidsha kujiimarisha nchini Uganda.
Bw.Sekito aliliambia gazeti moja la nchini Uganda kuwa ''Kwa mda sasa,tumekua tukiilalamikia serikali juu ya hawa wageni wanaoshiriki biashara ndogo ndogo,hususan Wachina, wanaokuja wakidai eti ni wawekezaji''
Shilingi ya Uganda ilidondoka kufikia kiwango cha chini dhidi ya dola ya Marekani mwezi uliopita hadi Benki kuu ilipoingilia kati kujaribu kuiimarisha.
Shirika la habari la Reuters limearifu kuwa 'Mgomo huo umesababisha bei ya bidhaa kama sukari na chumvi kupanda nchini humo''.
Mkaazi mmoja wa mji wa Kampala aliyehojiwa na shirika hilo, Linda Sempijja alisema kuwa maisha yamekuwa magumu kwa sababu bei ya bidhaa zote imepanda.
Mkaazi huyo aliongezea kusema kuwa hawezi kuwalaumu wafanyabiashara, kwa sababu wao pia wanakabiliwa na hali ngumu. Nailaumu serikali, alisema.
Gazeti la kiserikali la New Vision limearifu kuwa Waziri wa Biashara na viwanda,Bi.Amelia Kyambadde alikutana na wafanyabiashara kwa mda wa saa sita.
Waziri huyo aliwasilisha ujumbe kutoka kwa Rais Museveni akiwahimiza wasimamishe mgomo wao, kwa mujibu wa gazeti hilo.
Wafanyabiashara, hata hivyo walisema hawatofungua maduka yao na kwamba mgomo wao utaendelea hata siku ya leo alhamisi.
Wadadisi wanasema kuwa mgomo wao ni ishara ya hivi karibuni inayoonyesha hali ya ongezeko la kutoridhia kwa wananchi kwa serikali ya nchi.
Mnamo mwezi Aprili, vyama vya upinzani vilianzisha maandamano ya kususia usafiri wa umma na kutembea kwenda kazini, kama ishara ya kuitaka serikali itambue ukweli wa kupanda kwa gharama za maisha.

Ghasia zilianza Febuari

Makundi ya kutetea haki za binadamu yanasema kuwa vikosi vya usalama viliua watu tisa walioshiriki maandamanao hayo.
Serikali ilivilaumu vikundi vya upinzani kwa kujaribu kuteka madaraka kupitia ghasia baada ya kushindwa katika Uchaguzi mkuu uliofanywa mwezi Febuari.

WALIOGOMA UDOM KUCHUJWA, WASIO NA MAKOSA NDIO WATAKAORUDI.

WANAFUNZI wa Chuo Kikuu cha D o d o m a (Udom) waliosimamishwa masomo, hawawezi kurudi wote, imeelezwa.

Naibu Waziri wa Elimu na Mafunzo ya Ufundi, Phillipo Mulugo, amesema Serikali ya Awamu
ya Nne si ya kuchezewa na kwa kuanzia, wanafunzi waliosimamishwa watachujwa na
watakaorejea ni wale tu wasio na makosa.

Alisema hatua kali zitachukuliwa kwa watakaobainika kuwa viongozi wa migomo chuoni hapo ili liwe funzo na onyo kwa wanafunzi wengine.

“Wale waliogoma hatuwezi kuwarudisha wote, tunataka kuonesha kuwa Serikali ipo na si
ya kuchezewa,” alisema Mulugo katika hafla ya chakula cha usiku walichoandaliwa wanafunzi 20 waliofanya vizuri katika mtihani wa kidato cha sita juzi.

Naibu Waziri aliwataka wanafunzi hao kuhakikisha kuwa wanapokwenda vyuoni waepukane na migomo, kwani ina athari kubwa kwa masomo kama ilivyotokea kwa wanafunzi wa Udom.

“Migomo haina tija kwenu,” alisema Mulugo katika hotuba yake na kuongeza kuwa
sheria za chuo ziko wazi hivyo ni jukumu la kila mwanafunzi kuhakikisha anazifuata.

Alisema kitendo cha Serikali kuwaenzi wanafunzi hao ni lazima wakikumbuke katika maisha
yao, kuwa Serikali yao inawajali, hivyo hawapaswi kufanya vitendo vya utovu wa nidhamu.

Naye Waziri wa Tamisemi ambaye Wizara yake iliandaa hafla hiyo, George Mkuchika, alisema
Serikali inaangalia uwezekano wa kuweka zawadi kubwa ya Waziri Mkuu ambayo itamwezesha mwanafunzi bora asomeshwe chuo kikuu bure

SYRIA KUMECHAFUKA BAADA YA MTOTO KUUWAWA KWENYE MAANDAMANO.

Mtoto wa Miaka 13 Akatwa Uume na Polisi, Avunjwa Shingo, Miguu

Maiti ya Hamza

Mtoto wa kiume wa miaka 13, alikamatwa na kuteswa na polisi, alipigwa risasi sehemu mbalimbali za mwili wake, alikatwa uume wake, alivunjwa shingo na miguu yake, kosa alilolifanya ni kushiriki maandamano ya kuipinga serikali.
VIDEO utakayoiona chini, inamuonyesha mtoto Hamza Ali al-Khateeb mwenye umri wa miaka 13 wa kijiji cha Jiza, Dar'a nchini Syria ambaye video ya maiti yake imekuwa gumzo duniani baada ya baba yake kuiweka kwenye YouTube kuonyesha ukatili wa polisi wa Syria katika kuzuia maandamano ya watu wanaoipinga serikali ya rais Bashar al-Assad.

Mtoto Hamza alikamatwa na polisi aprili 29 wakati alipojiunga na wakazi wengine wa mji wake katika maandamano ya kuipinga serikali.

Mwili wake ulikabidhiwa baadae kwa wazazi wake ukiwa katika hali ambayo iliwafanya watu wengi wasiamini unyama wa polisi kwa mtoto mwenye umri mdogo kama Hamza.

Hamza alivunjwa shingo yake, miguu yake, alipigwa risasi kifuani na sehemu nyingine za mwili wake, na kama haitoshi polisi waliukata uume wake.

Wazazi wake walikabidhiwa mwili wake wauzike huku wakitishiwa wasiseme chochote au la watakiona cha moto.

Baba mzazi kutokana na uchungu wa unyama aliofanyiwa mwanae, aliamua kuchukua video ya maiti ya Hamza akionyesha wazi majeraha na unyama aliofanyiwa mwanae. Aliiweka Video hiyo kwenye YouTube.

Haukupita muda mrefu, baba yake Hamza alitiwa mbaroni na polisi na tangu wakati huo haijajulikana kama yuko hai au la huko alipo.

WANAUME INDIA WAANDAMANA KUPINGA KUGEUZWA WAO KAMA MASHINE ZA KUTOA FEDHA(ATM MACHINES)

Jamaa akiwa na bango akiandamana.

MAWAKILI WA UGANDA KUANDAMANA KUPINGA UKIUKWAJI WA SHERIA UNAOFANYWA NA SERIKALI.

Mawakili nchini Uganda hii leo asubuhi wanapanga kufanya maandamano kupinga kile wanachosema ni ukiukaji wa sheria na serikali. Hii wanasema imejitokeza wazi katika kutumia nguvu kupita kiasi wakati wa kukabiliana na waandamanaji.

Katika kipindi cha karibu mwezi mmoja viongozi wa upinzani wamekuwa wakifanya maandamano ya kutembea kwa miguu kwenda kazini kuishinikiza serikali kupunguza gharama ya juu ya maisha.

Lakini serikali imepiga marufuku maandamano hayo huku polisi na jeshi wakiwapiga na kuwakamata mamia ya waandamanaji wakiwemo viongozi wa upinzani .

Kiongozi Mkuu wa Upinzani nchini Uganda Dkt, Kizza Besigye amelazwa katika hospitali mmoja nchini Kenya baada ya kujeruhiwa na polisi walipokuwa wakimkamata.

UGANDA MAMBO SI SHWARI, VIRUNGU NJE NJE,MUSEVENI NA BESIGYE WAENDA NAIROBI, MMOJA MKUTANONI MWINGINE HOSPITALI.

Watu wawili wahofiwa kufa kwenye vurugu za kupingwa kuonewa kwa kiongozi wa upinzani Kizza Besigye

Besigye akiamrishwa kushuka kwenye gari

Alipokaidi kioo kilivunjwa na gesi ilipulizwa ndani ya gari

Mlinzi wa Besiye akidhibitiwa

Polisi jeshi wakiwa kwenye doria.