WASHITAKIWA watatu kati ya watano waliokamatwa miaka mitatu iliyopita wakituhumiwa kumuua mtoto mlemavu wa ngozi (albino), Ester Charles Juni 3 walihukumiwa kunyongwa hadi kufa baada ya kutiwa hatiani na Mahakama Kuu ya Tanzania Kanda ya Tabora.
Jaji Laurence Kaduri aliyekuwa akisikiliza shauri hilo, aliwahukumu kunyongwa hadi kufa washitakiwa hao, Charles Kalamuyi (zungu), Masumbuko Madada (Sumbu) na Merdadi Maziku (Machunda) kutokana na kuridhika na ushahidi uliotolewa na upande wa mashitaka bila shaka yoyote.
Katika hukumu hiyo iliyosomwa kwa takribani saa nne, mshitakiwa mwingine Peter Mahina, aliachiwa huru baada ya kukosekana ushahidi wa kumuunganisha wakati mshitakiwa wa tano Malalija Jiduta, alifariki dunia akiwa rumande wakati kesi hiyo haijaanza kusikilizwa.
Awali upande wa mashitaka ukiongozwa na jopo la mawakili watatu Neema Ringo, Prudence Rweyongeza na Janeth Sekule, uliiambia Mahakama kuwa washitakiwa walitenda kosa hilo Oktoba 19, 2008.
Ilidaiwa kuwa siku hiyo katika kijiji cha Shilela Usala, wilayani Kahama mkoani Shinyanga, washitakiwa walimuua mtoto huyo kwa kumkata mapanga sehemu za mabega.
Kwa mujibu wa madai hayo, baada ya kutenda unyama huo washitakiwa walikinga damu yake na kutokomea nayo na kumwacha mlemavu huyo akiwa hajitambui na baadaye akapoteza maisha kutokana na kuvuja damu nyingi.
Serikali katika kesi hiyo iliwasilisha mashahidi watano na kupitia mawakili wake iliomba Mahakama itoe adhabu kali kwa washitakiwa kutokana na kitendo kibaya na cha kinyama walichofanya.
Washitakiwa kwa upande wao waliokuwa wakitetewa na mawakili Kamaliza Kayaga, Merdai Mutongole na Vedastus Lauriani waliiomba Mahakama iwaachilie huru wateja wao kwa madai kwamba hawakuhusika katika mauaji ya mtoto huyo, ombi ambalo lilitupiliwa mbali na Jaji Kadur
Polisi nchini Tanzania inapeleleza mauaji ya meneja na muwekezaji nchini humo Sifael Jackson.
Kamanda wa Polisi mkoa wa Manyara kaskazini, Parmena Sumari ameiambia BBC kuwa maofisa wake wanaendelea kuwasaka wauaji wa mfanyabiashara huyo.Mwandishi wa habari Benny Mwaipaja ameiambia BBC kuwa marehemu alivamiwa na kuuawa na genge lililokuwa na mikuki, magongo na mapanga akiwa ndani ya gari lake.
Mauaji haya yanatokea wakati kukiwa na upinzani mkubwa wa raia dhidi ya mpango wa serikali wa kupigia debe uwekezaji wa kilimo kwa kiwango kikubwa.
Uvamizi
Mwandishi huyo aliendelea kusema kuwa "Bw Jackson aliuawa kinyama na kukatwa kichwa na genge la hadi watu 15 siku ya Jumanne jioni.
Baadhi ya wakaazi wa mkoa huo wa Manyara wanaishutumu serikali kwa kutishia hali yao ya maisha kwa kugawa ardhi yao vipande vikubwa kwa wakulima wa kibiashara wa mashamba makubwa, wakiwemo wakulima wa kigeni.
serikali yataka ardhi itumiwe
Lakini serikali inasema kuwa lengo la sera hiyo ni kujaribu kuimarisha uzalishaji wa chakula na kuhakikisha kwamba ardhi inatumiwa kikamilifu.
Kwa uchache mashamba manne yamevamiwa mwaka huu karibu na mji wa Babati huko Manyara, ambako mazao yalichomwa na mali kuteketezwa kwa moto.
Waziri Mkuu Mizengo Pinda alituma ujumbe mkubwa wa Mawaziri wa serikali kwenda kupeleleza kuhusu mzozo huo.
Ujumbe huo uliwaonya wananchi katika maeneo walioyazuru dhidi ya vitendo vyao vya kuvamia na kuteketeza mali za watu la sivyo watakamatwa na kuhukumiwa.
Mwandishi huyu Mwaipaja alisema kuwa serikali ina wasiwasi kuwa ghasia hizo sasa zinaweza kuikosesha Tanzania wawekezaji ambao ina imani wangeweza kusaidia mpango wake wa kijani.
Kampeni ya serikali ya kutaka kilimo cha kiwango kikubwa kibiashara ni mabadiliko makubwa ukizingatia sera zilizokuwepo baada ya Uhuru zilizokuza na kupendelea Usoshalisti
