BAADA YA ZIARA YA MAREKANI, DIAMOND PLATNUM AREJEA BILA MADANSA WAKE.

DIAMOND APATA MASWALI MENGI JUU YA DANCER WAKE AMBAO AMEWAACHA NCHINI MAREKANI

Msanii anayefahamika kwa jina la Diamond Platinum tunakumbuka kama alipata ziara ya nchini marekani Washington Dc kwa kufanya show yake.Sasa habari ni kwamba msanii amesharejea hapa Tanzania lakini dancer wake bado wanakula bata nchini marekani.Msanii alieleza sababu ambazo zimemfanya mpaka awaache ma Dancer wake nchini marekani huyu hapa anafunguka kama ifuatavyo
"Jibu ni hapana,nimeamua kuwaacha marekani kwa ajiri ya mapumziko ya muda mfupi.Ili waweze kurefresh akili na miili yao kwasababu kiukweli wamefanya kazi kubwa kwa muda mrefu na iliyozaa matunda makubwa...hivyo kwa upendo na Heshima yangu kwao nikaona ni vizuri niwazawadie Mapumziko hayo Nchini AMERICA..... mbali na hayo kuna kingine kikubwa ambacho soon ntawajuza nini wanakifanya pia huko America ili wakirudi wazidi kuleta levolution katika Industry hii ya Muziki Africa"hayo ndiyo maneno ya Diamond Platinum wa wasafi baada ya kufunguka kuhusiana na ma Dancer wake.

WANANCHI NA WANAHARAKATI WALAANI MAUAJI YA MWANDISHI DAUDI MWANGOSI WA CHANNEL TEN.

 

Daudi Mwangosi enzi za uhai wake.(picha ya maktaba) 
  Daud Mwangosi ameuwawa jana katika vurugu za Polisi na wafuasi wa CHADEMA katika kijiji cha Nyololo, Mufindi, Iringa.

Mwangosi aliuawa majira ya saa 10 jioni katika ofisi za CHADEMA Nyololo huku askari mmoja akijeruhiwa vibaya kwa risasi.

Kabla ya kuuawa kwa mwanahabari huyo, mabomu yalipigwa eneo hilo ili kuwatawanya wafuasi wa CHADEMA ambao walikuwa wakigoma kutawanyika eneo hilo na kuamua kukaa chini kuwa hawapo tayari kuondoka katika ofisi yao.

Chanzo cha mwanahabari Mwangosi kuuawa kilitokana na kukamatwa kwa mwandishi wa habari wa gazeti la Nipashe mkoa wa Iringa, Godfrey Mushi na hivyo mwanahabari huyo kutaka kuhoji polisi sababu ya kukamatwa kwa mwanahabari huyo ndipo askari hao walipoanza kumshambulia kwa kichapo na baadaye mlio kama wa bomu ulisikika eneo hilo na mwandishi huyo na askari mmoja waliaguka chini.

Ndani ya dakika tano ilisikika sauti kutoka kwa askari huyo kuwa afande nimekufa ndipo walipomchukua na kumpeleka Hospitali ya wilaya ya Mufindi huku mwili wa mwanahabari huyo ukipelekwa chumba cha kuhifadhia maiti.

Katika vurugu hizo zilizodumu kwa takribani dakika 30 kwa askari na wafuasi wa CHADEMA kurushiana mawe kwa mabomu, zaidi ya magari matano ya CHADEMA na ya wananchi yameharibiwa, huku watu kadhaa wakiachwa wamejeruhiwa hali mwanahabari mmoja, Godfrey Mushi akijeruhiwa vibaya. 

  

Marehemu Daud Mwangosi (kulia) akiwa kazini dakika 20 kabla ya mauti kumfika.

 

Mwangosi akiwa katikati ya polisi kabla ya kifo .